You are currently viewing Здружение на Еколози „Натура“ доби проект поддржан од Владата на Швајцарија преку Цивика мобилитас

Здружение на Еколози „Натура“ доби проект поддржан од Владата на Швајцарија преку Цивика мобилитас

Унијата на екологисти „Натура“ од Струга со задоволство информира дека е избрана за добитник на регионалниот проект „Граѓанска мрежа за чист воздух во Југозападен регион“, при што нашата организација е носител на проектот, а партнер во имплементацијата е Скаутската група „Мирко Милески“ од Кичево.
Проектот ќе трае 12 месеци и ќе биде активен до крајот на 2026 година, Проектот е поддржан од Владата на Швајцарија преку Цивика мобилитас.

Цел и значење на проектот
Квалитетот на воздухот во југозападниот регион претставува еден од најсериозните еколошки и здравствени предизвици. Недостигот од доволни локални мерења, ограничената транспарентност на податоците и ниското ниво на граѓанско учество го отежнуваат ефективното справување со загадувањето на воздухот. Проектот има за цел да ја промени оваа состојба преку активно граѓанско учество, отворени податоци и структуриранa соработка со општините.

Што конкретно ќе се реализира?
• 📡 Поставување на 30 уреди за мерење на квалитетот на воздухот, управувани од граѓани, со јавно визуелизирање на податоците во реално време.
• 👥 Обука на 100 граѓани, наставници и млади активисти за граѓански мониторинг, користење податоци и застапување.
• 🤝 Воспоставување регионален механизам за дијалог (Регионален совет за чист воздух) меѓу граѓаните и општините за планирање и давање конкретни препораки за политики.

Географска покриеност
Проектните активности ќе се спроведуваат во 5 општини од југозападниот регион:
• Струга
• Дебар
• Охрид
• Вевчани
• Кичево

Очекуван импакт
Проектот ќе придонесе за:
• зголемена транспарентност и јавен пристап до податоците за загадување на воздухот,
• зајакнување на граѓаните како активни чинители во процесите на одлучување,
• подобрување на соработката помеѓу граѓанскиот сектор и локалната власт,
• интегрирање на мерки за чист воздух во општинските планови и политики (ЛЕАП, климатски стратегии, локални буџети).

НВО „Натура“, како носител на проектот, останува посветена преку овој граѓански мрежен пристап и пристап базиран на податоци да придонесе кон почист воздух, подобро здравје и попартиципативно еколошко управување во југозападниот регион на Северна Македонија.

#CHinMK#CivicaMobilitas

Civica MobilitasEmbassy of Switzerland in North MacedoniaИзвиднички одред “Мирко Милески” / Scout group “Mirko Mileski”

📌 Детални информации за активностите и јавните повици ќе бидат објавени наскоро на нашата веб-страница и на социјалните мрежи.

Leave a Reply